„Það er ljóst að Ingi Þór þarf ekkert að velta því fyrir sér á næsta tímabili hver er með dýrasta lið Íslandssögunnar. Vel gert Snæfell! Báðar dollurnar út á land.“ En svo hljóðar stöðuuppfærsla á Facebook hjá Ingólfi Þorleifssyni meðstjórnanda í stjórn Körfuknattleiksdeildar KFÍ í morgun.
 
Ingi Þór lét á síðustu leiktíð þau orð falla að Stjarnan væri með dýrasta lið Íslandssögunnar þegar Snæfell og Stjarnan áttust við í undanúrslitum Domino´s deildarinnar. Nú um helgina bættust við tveir þungavigtarleikmenn í Stykkishólmi þegar þau Guðrún Gróa og Finnur Atli sömdu við Snæfell. Líkast til hefur þessi ráðning Finns og Guðrúnar Gróu verið kveikjan að stöðuuppfærslunni hjá Ingólfi.