Níu leikir fóru fram í NBA deildinni í gær og í nótt. Miami Heat sóttu sigur í Madison Square Garden er þeir heimsóttu Carmelo Anthony og félaga í New York Knicks. Oklahoma hafði nauman sigur á LA Clippers og enn naumari sigur höfðu LA Lakers á Atlanta Hawks.
 
New York 93-99 Miami
LeBron James gerði 29 stig, tók 11 fráköst og gaf 7 stoðsendingar í liði Miami. Dwyane Wade lét sitt ekki heldur eftir liggja með 20 stig, 8 fráköst og 8 stoðsendingar. Hjá Knicks var Carmelo Anthony með 32 stig, 2 fráköst og 3 stoðsendingar. Sigurinn var sá fjórtándi í röðinni hjá Miami.
 
Oklahoma 108-104 LA Clippers
Kevin Durant gerði 35 stig, tók 9 fráköst og gaf 4 stoðsendingar fyrir Oklahoma. Hjá LA Clippers var Chris Paul atkvæðamestur með 26 stig, 6 fráköst og 8 stoðsendingar. Það var Russell Westbrook sem steig upp þegar mest á reyndi og skoraði 10 af 29 stigum sínum í leiknum á síðustu fimm mínútunum.
 
LA Lakers 99-98 Atlanta
Kobe Bryant var hetja Lakers í nótt með sigurstigin en alls urðu stigin hjá kappanum 34 þennan leikinn að viðbættum 10 stoðsendingum og tveimur fráköstum. Hjá Atlanta var Al Horford með 24 stig og 5 fráköst. Kobe gerði sigurstigin þegar 9 sekúndur voru til leiksloka. Atlantamenn fóru illa með lokasóknina og grýttu boltanum upp í hendur heimamanna sem létu leiktímann renna út.
 
Topp 10 tilþrif næturinnar:
 
 
Úrslit næturinnar:

FINAL
 
1:00 PM ET
MIA
99
NYK
93
23 22 28 26
 
 
 
 
22 37 18 16
99
93
  MIA NYK
P James 29 Anthony 32
R James 11 Smith 12
A Wade 8 Kidd 6
 
Highlights

<

Game Stat FG% 3P% FT% REB TO
MIA 46.4 40 68.4