Bryant tók fram úr Chamberlain á stigalistanum

Tíu leikir fóru fram í NBA deildinni í gær og í nótt. Það dró helst til tíðinda í Sacramento þar sem uppselt var á völlinn þegar Kobe Bryant og Lakers komu í heimsókn en rúmlega 17.000 manns voru í stúkunni. Gamli miðherjinn Wilt Chamberlain færðist svo neðar á stigalistanum því Kobe Bryant gerði 19 stig í leiknum og er nú fjórði stigahæsti leikmaðurinn í sögu NBA.

 

Lakers lögðu Sacramento 98-103 og er Kobe kominn með 31,434 stig á ferlinum. Í þriðja sæti situr enginn annar en Michael Jordan með 32,292 stig svo það eru innan við 1000 stig fyrir Kobe til að landa þriðja sætinu. Í 2. sæti listans er Karl Malone mwð 36,928 stig og Kareem Abdul-Jabbar er á toppnum með 38,387 stig.