B lið Keflavíkur sigraði í gærkvöldi lið ÍG í bikarkeppninni í umspils leik um að komast áfram í 32. liða úrslit. Þar með komust Keflvíkingar áfram og munu mæta nágrönnum sínum í Njarðvík í fyrsta leik.  Liðið er hlaðið “kanónum” úr gömlu hraðlestinni sem gerði garðinn frægan hér um árið. Heimildir herma að kappinn muni koma til landsins í helgarferð og spila einungis með B liðinu þennan eina leik. 
 
Keflvíkingar hafa nú kallað til gamla lestarstjórann Damon Johnson til starfa en hann hefur lokið sínum atvinnumannaferli og býr í heimaríki sínu Tennessee í Bandaríkjunum. Damon tjáði Karfan.is að ein af hans uppáhalds minningum frá íslandi væri einmitt sú þegar Keflavík og Njarðvík mættust því þá hafði stemmningin verið mikil og allir í bænum mættu á leikina. Damon starfar sem aðstoðarþjálfari ETSU eða austur fylkis háskólanum í Tennesee fylki þaðan sem hann er frá.  Leikurinn verður að öllum líkindum háður í kringum mánaðarmót n.k.