U16 kvk Ísland 71-67 Danmörk: Tvíburarnir fóru mikinn gegn Dönum

Ísland leikur nú gegn Dönum í U16 ára kvenna og er þetta annar leikur 16 ára liðsins í dag. Fyrr í dag höfðu Íslendingar öruggan sigur á Norðmönnum. Á www.kki.is er hægt að nálgast beina tölfræðilýsingu á leiknum en hér að neðan fer bein textalýsing:

 

 

 

 

– Besti maður leiksins: Bríet Sif Hinriksdóttir með 13 stig og 5 fráköst og skínandi góða baráttu og steig vel upp á lokasprettinum þegar á þurfti að halda.

 

 

Sara Rún Hinriksdóttir 25 stig, 9 fráköst og 4 stoðsendingar

Bríet Sif Hinriksdóttir 13 stig, 5 fráköst og 1 stoðsending

Sandra Lind Þrastardóttir 10 stig, 4 fráköst og 2 stoðsendingar

Elsa Rún Karlsdóttir 9 stig og 5 fráköst

Guðlaug Björt Júlíusdóttir 6 stig, 6 fráköst og 6 stoðsendingar

____________________________________________________________________________________________

– Leik lokið! Lokatölur 71-67 fyrir Ísland. Ljóst að stelpurnar munu að minnsta kosti leika um bronsið.

 

– Bríet Hinriks búin að vera drjúg hér á lokasprettinum og vann m.a. boltann af Dönum áðan… 14,8 sek eftir og staðan 69-64 fyrir Ísland.

 

– 29,6 sek eftir… Sara Rún brennir af fyrra vítinu en setur það síðara og staðan 68-61 og Ísland er að vinna sinn annan sigur í dag!

 

– Tilþrif leiksins dottin í hús, Guðlaug Björt og Sara Rún með ,,alley-up" og staðan 65-59 fyrir Ísland þegar 1.23mín eru til leiksloka.

 

– 2.47mín eftir af leiknum: 63-56 fyrir Ísland. Við höldum Dönum í skefjum en bæði lið eru eitthvað feimin við að skora í þessum loka leikhluta.

 

– 4.44mín eftir: Danir minnka muninn í 61-56

 

– Guðbjörg Ósk Einarsdóttir kemur Íslandi í 61-52 með stökkskoti við endalínuna. 5.58mín eftir af leiknum.

 

– 7.10mín eftir af leiknum: 59-52 fyrir Ísland og Danir brydda nú upp á svæðisvörn.

 

– Fjórði leikhluti hafinn og staðan 57-50 Íslandi í vil.

 

___________________________________________________________________________________________

– Þriðja leikhluta lokið...57-49 fyrir Ísland. Danir unnu þriðja leikhluta 10-19.

 

– Nú má íslenska einstaklingsframtakið fara og taka sér pásu, liðið þarf að fara að vinna saman á nýjan leik og hreyfa sig sem heild því Danir eru komnir á bragðið… staðan 55-49!

 

– 1.40mín eftir af þriðja: Danir búnir að minnka muninn í 10 stig, 55-45 fyrir Ísland. 

 

– 5.00mín eftir af þriðja: Staðan enn 49-35 og liðunum gengur ekkert sérstaklega að finna körfuna hér í síðari hálfleik.

 

– 6.29mín eftir af þriðja: 49-35 fyrir Ísland, 2-5 byrjun Dana á síðari hálfleik og Tómas Holton tekur leikhlé fyrir íslenska liðið.

 

– Síðari hálfleikur er hafinn…

 

__________________________________________________________________________________________

Tveggja 56,7%, þriggja 0% (0 af 2), víti 83,3%

 

– Stigahæstar hjá íslenska liðinu í hálfleik:
Sara Rún Hinriksdóttir 18 stig, 5 fráköst og 2 stoðsendingar

Elsa Rún Karlsdóttir 7 stig og 4 fráköst

 

– Hálfleikur… 47-30 fyrir Ísland! Danir unnu annan leikhluta 16-21. Sandra Lind Þrastardóttir er komin með 3 villur í íslenska liðinu.

 

– Danir eru að sækja í sig veðrið og hafa minnkað muninn í 45-26… 45 sek til hálfleiks.

 

– Sara Rún með svakaleg tilþrif! ,,Spin-move" á endalínunni og skoraði af harðfylgi, staðan 43-22 og Sara komin með 16 stig í íslenska liðinu.

 

– 5.42mín eftir af öðrum: 41-16 fyrir Ísland, Sara Rún að skella niður tveimur vítum. Jákvæt hjá íslenska liðinu að þær halda áfram af krafti, því varð aðeins öðruvísi farið í leiknum gegn Noregi fyrr í dag. Þá róaði íslenska liðið sig mun fyrr og voru rólegar allt til leiksloka. Nú halda þær lengur í grimmdina.

 

– Sara Hinriksdóttir að stutt skot í hraðaupphlaupi. Ísland leiðir 39-16.

 

– Annar leikhluti hafinn… 33-12 fyrir Ísland

 

___________________________________________________________________________________________
– Fyrsta leikhluta lokið, staðan 31-9 fyrir Ísland. Mögnuð frammistaða hjá stelpunum. Sara Rún komin með 10 stig og 3 fráköst.

 

– 5 sek eftir: Elínóra Einarsdóttir með þrist og breytir stöðunni í 31-9.

 

– 53 sek eftir af fyrsta: 27-7 fyrir Ísland! Stelpurnar eru hreinlega að valta yfir Dani og eru miklu ákveðnari í öllum sínum aðgerðum. Sérstaklega gaman að fylgjast með Söndru Lind og Elsu Rún láta finna fyrir sér í teignum og bakverðirnir eru ekki síðri.

 

– 3.50mín eftir af fyrsta: 19-7 fyrir Ísland og rjúkandi góður gangur í stelpunum þar sem vörnin er í fyrirrúmi.

 

– Krafthúsin Sandra Lind og Elsa Rún eru að fara mikinn og leika Dani grátt með góðri baráttu.

 

– Danir taka leikhlé í stöðunni 9-5 fyrir Ísland…Elsa Rún kemur svo á vítalínuna og tekur tvö víti en Danir brutu á henni eftir sóknarfrákast.

 

– 6.56mín eftir af fyrsta: 8-5 fyrir Ísland sem keyra vel í bakið á Dönum.

 

– Leikur hafinn og Sara Rún Hinriksdóttir gerir fyrstu stig Íslands í leiknum.

 

– Byrjunarlið Íslands:
Bríet Sif Hinriksdóttir, Guðlaug Björt Júlíusdóttir, Sara Rún Hinriksdóttir, Sandra Lind Þrastardóttir og Elsa Rún Karlsdóttir.