Helena Sverrisdóttir stendur ennþá í ströngu með Good Angels en þar hafa þær náð 2-0 forskoti gegn Dannax Sport. Leikur tvö fór fram í fyrrakvöld þar sem Good Angels vann mjög öruggan 52 stiga sigur, 46- 98. Helena og liðsfélagar hennar stefna því hraðleiðina í úrslit og mæta þar annað hvort MBK Ruzomb eða Samorin. Helena spilaði í 17 mínútur í síðasta leik og skoraði 9 stig, tók 2 fráköst og gaf eina stoðsendingu. Næsti leikur fer fram 7. apríl næstkomandi á heimavelli Good Angels.
í spænsku deildinni léku Jón Arnór Stefánsson og Haukur Helgi Pálsson báðir með sínum liðum síðastliðna helgi. Jón Arnór og félagara í Zaragoza töpuðu gegn Murcia með 14 stigum, 76- 62. Jón Arnór spilaði 29 mínútur í leiknum, skoraði 10 stig og tók 3 fráköst. Zaragoza er í 10. sæti deildarinnar eftir 14 sigra og 13 tapleiki á tímabilinu. Haukur Helgi fékk aðeins að spila eina mínútu í leik Manresa gegn Lagun Aro sem eru í fjórða sæti deildarinnar. Hauki fékk því ekki tækifæri til þess að setja sitt mark á leikinn. Manresa er sem stendur í 12. sæti deildarinnar
gisli@karfan.is
