Keflvíkingar hafa nú samið við tvo erlenda leikmenn, en þeir koma báðir frá Bandaríkjunum og munu eflaust styrkja liðið í komandi átökum. Þegar hefur komið fram að Jarryd Cole muni leika í Toyota-höllinni í vetur en nýji maðurinn heitir Charles Parker.
Charles Parker er fæddur árið 1985 og kemur úr Millersville University, hann er 193cm og er um 88 kg. Árið 2008 var hann í NBA nýliðavalinu, en var ekki valin í það skipti og fór því í D-League og spilaði fyrir Los Angeles D-fenders og var þar með 18 stig að meðaltali.
 
Drengirnir Parker og Cole eru nú mættir til Íslands og eru þegar farnir að æfa með liðinu.
 
Mynd/ Sigurður Ingimundarson þjálfari Keflavíkur er búinn að ráða til sín tvo Bandaríkjamenn sem þegar eru mættir á Klakann.