Á Ásvöllum mættu Haukarstúlkur Grindvíkingum í annarri umferð Iceland-Express deidarinnar. Mjög lítið var skorað í leiknum og endaði leikurinn 60-36 fyrir Hauka.
 
Jafnræði var með liðunum til að byrja með og erfiðlega gekk fyrir bæði lið að finna leið að körfunni og var staðan efit fyrsta leikhluta 14-8.
 
 
Í öðrum leikhluta fóru liðin að hitta betur en Haukar héldu þó alltaf forystunni . Haukastúlkurnar komust 16 stigum yfir eftir tvo þrista frá Gunnhildi Gunnarsdóttur og Guðrúnu Ámundadóttur og var staðan í hálfleik 33-21. Stóru mennirnir hjá Haukum voru þó í vandræðum þar sem bæði Ragna Margrét og Telma voru komnar með 3 villur.
 
Þriðji leikhluti var frekar tíðindalítill og skoruðu Haukar aðeins 9 stig á móti 4 stigum frá Grindavík og var staðan 42-25 fyrir Haukum að honum loknum. Leikurinn varð aldrei spennandi eftir það og fengu allir leikmenn að spreyta sig.
 
Stigaskor var mjög jafnt hjá Haukum annað en hjá Grindvíkingum þar sem Clark skoraði næstum helming stiga þeirra.
 
Atkvæðamestar hjá Haukum voru Íris Sverrisdóttir og Ragna Margrét Brynjarsdóttir með 10 stig hvor, Gunnhildur Gunnarsdóttir með 9 stig og Telma Fjalarsdóttir með 8 stig og 9 fráköst. Helga Jónasardóttir var einnig grimm í fráköstunum og tók hún 4 sóknarfráköst og 7 varnarfráköst.
 
Hjá Grindvíkingum var Charmaine Clark með 16 stig eins og áður kom fram og næst henni koma Harpa Hallgrímsdóttir með 6 stig og 12 fráköst.
 
emil@karfan.is