15:35
{mosimage}

 

(Ína María Einarsdóttir gerði 14 stig fyrir Ísland í dag) 

 

U 16 ára landslið Íslands í kvennaflokki hafnaði í 4. sæti á Norðurlandamótinu í Solna í Svíþjóð en Ísland mætti Dönum í leik um bronsið í morgun. Lokatölur leiksins voru 52-61 fyrir Dani en allt annað var að sjá til íslensku stelpnanna í dag sem börðust vel en Danir reyndust sterkari. Svíar urðu Norðurlandameistarar eftir öruggan 68-53 sigur á Finnum í úrslitaleiknum.

 

Íslensku stelpurnar byrjuðu vel og komust í 14-12 en Danir náðu yfirhöndinni og leiddu 17-18 að loknum fyrsta leikhluta. Þessi munur hélst nánast út leikinn en vörnin sem stelpurnar voru að leika var grimm og áttu Danir í stökustu vandræðum á köflum í sóknarleik sínum.

 

Að endingu fór svo að Danir höfðu sigur en ekki jafn öruggan og þær vildu enda sigruðu Danir fyrri leikinn gegn Íslendingum með 20 stiga mun, 41-61. Augljós batamerki á íslenska liðinu sem óx ásmegin með hverjum leik.

 

Ína María Einarsdóttir var stigahæst í íslenska liðinu í dag með 14 stig, 4 stolna bolta og 3 fráköst.

 

{mosimage}

(Dagmar Traustadóttir sækir að körfu Dana)

 

Stigaskor Íslands í dag

 

Ína María Einarsdóttir 14

Dagmar Traustadóttir 12

Guðbjörg Sverrisdóttir 10

Rannveig Ólafsdóttir 6

Elma Jóhannsdóttir 4

Telma Ásgeirsdóttir 3

Berglind Gunnarsdóttir 3

 

Leikir U 16 ára kvennaliðsins á Norðurlandamótinu

 

Ísland 42-91 Finnland

Ísland 60-47 Noregur

Ísland 54-81 Svíþjóð

Ísland 41-61 Danmörk

Ísland 52-61 Danmörk

 

nonni@karfan.is

 

{mosimage}

(Heiðrún Kristmundsdóttir)