21:00

{mosimage}

(Snæfell vann í kvöld sinn fyrsta sigur í Keflavík, Hermanier sækir að körfu Hólmara) 

Þá eru leikjum kvöldsins að ljúka og björguðu Fjölnismenn sér frá falli á kostnað Þórs frá Þorlákshöfn.

Fyrr í dag sigruðu Haukastúlkur Grindavík 89-73 og það er því ljóst að í undanúrslitum mætast annarsvegar Haukar og ÍS og hins vegar Keflavík og Grindavík og eiga Haukar og Keflavík heimavallarréttinn. 

Í Iceland Express deild karla var spennan gríðarleg í kvöld.

 

Skallagrímsmenn tóku á móti ÍR og áttu möguleika á að ná 2. sætinu með sigri en þeir töpuðu 87-102 og enda því í 4. sæti deildarinnar en ÍR ingar voru fastir í 7. sætinu fyrir leikinn. 

Á Ásvöllum léku Haukar sinn síðasta leik í Iceland Expressdeildinni í bili þegar þeir tóku á móti Hamar/Selfoss og fóru leikar þannig að gestirnir sigruðu 92-72 og Hamar/Selfoss er eins og áður var ljóst í 8. sætinu. 

Í Grafarvoginum voru Fjölnismenn að berjast við að bjarga sér frá falli og þeir gerðu allt hvað þeir gátu og sigruðu Tindastóls menn 94-87 og björguðu sér þar með frá falli því á sama tíma vann Njarðvík Þór Þ í Þorlákshöfn 91-86 og þar með féllu Þórsarar. 

Grindvíkingar sóttu sigur í Vesturbæinn og unnu þar 96-92 og Snæfell sigraði Keflavík í Keflavík 91-86.

Í úrslitakeppninni sem hefst 15. mars mætast því

Njarðvík – Hamar/Selfoss

KR – ÍR

Snæfell – Keflavík

Skallagrímur – Grindavík

runar@karfan.is

Mynd: www.vf.is