{mosimage}

(Ólafur Ólafsson) 

Eftir að hafa verið 41 stigi undir í hálfleik sýndu Íslensku strákarnir mun meiri baráttu eftir harða ræðu frá Inga Þór þjálfara. Lokatölur 115-65 Frökkum í vil, eftir að staðan í hálfleik var 63-22 fyrir Frakka. Ólafur Ólafsson lék langbest í liði Íslendinga og skoraði hann 21 stig, tók 7 fráköst og sýndi óbilandi baráttu útum allan völl. 

Íslensku strákarnir voru alltof linir og báru alltof mikla virðingu fyrir Frökkunum. Þeir fengu að vaða að körfunni trekk í trekk og tóku hreinlega öll fráköst sem í boði voru.  Staðan eftir fyrsta leikhluta var 25-11 og í hálfleik 63-22, þar sem að Frakkarnir nýttu sér mistök Íslensku strákanna til hins ýtrasta. Frakkarnir hafa á að skipa gríðarlega stóru liði og náðu þeir að nýta sér hæðarmuninn sem og hraða sinn þegar að Íslensku strákarnir gerðu mistök.

Í fyrri hálfleik voru leikmenn Íslands hreinlega einsog áhorfendur og þeir 41 stigi undir. Í síðari hálfleik var allt annað að sjá til strákanna, þeir börðust vel og fengu þeir ekki eins mikið af hraðupphlaupum á sig líkt og í fyrri hálfleik. Leikhlutinn fór 22-16 og staðan því 85-38. Hjörtur Halldórsson fékk sína fimmtu villu mjög snemma í leikhlutanum og var Ólafur Ólafsson einnig með fjórar villur, hann kláraði þó leikinn og skoraði hann öll sín stig í síðari hálfleik.  Í fjórða leikhluta héldu strákarnir áfram að bæta við sig og hittu þeir vel utan af velli, Baldur, Ólafur, Pétur og Sigmar. Leikhlutinn fór 30-27 Frökkunum í vil og sigruðu þeir því síðari hálfleik með níu stigum og samtals með fimmtíu 115-65. 

Strákarnir geta verið sáttir við frammistöðu sína í síðari hálfleik en geta látið fyrri hálfleikinn sér að kenningu verða. Þeir þurfa að nýta sér þennan leik í framhaldinu. Ólafur Ólafsson lék mjög vel í leiknum og barðist vel og náði Pétur Þór að skora 11 stig, þar af níu í fjórða leikhluta. 

Í dag er frí hjá leikmönnum og er framundan milliriðill þar sem að andstæðingar Íslensku strákanna verða Lettar þann 15. ágúst, Slóvenar þann 16. ágúst og Grikkir þann 17. ágúst.

 

Frétt og mynd af www.kki.is