Það voru einungis níu leikmenn sem að mættu til leiks hjá Haukum í kvöld þegar að Hafnfirðingar tóku á móti Hamri í IE-deild kvenna. Það kom þó ekki að sök því Haukar náðu að kreista fram sigur eftir frábæra endurkomu gestanna frá Hveragerði.

Keflavíkurkonur nýttu tækifærið vel í kvöld og juku forskot sitt á toppi Iceland Express deildarinnar með sigri á KR 70:56. Haukar sigruðu svo Hamarstúlkur með 72 stigum gegn 66 og svo voru það Snæfell sem sigruðu Fjölni í hörkuleik 90:88.  Meira um leikina síðar

 Valsstúlkur áttu ekki í teljandi vandræðum með að sigra Njarðvík þegar þær grænklæddu mættu í Vodafone höllina í kvöld. 100:81 var lokastaða leiksins en það voru Njarðvíkurkonur sem voru sprækari í fyrri hálfleik. Í þeim seinni tóku Valsstúlkur öll völd og kláruðu leikinn með sigri sem fyrr segir. 

Bragi Magnússon og Fjölniskonur hafa fengið liðsstyrk fyrir lokasprettinn í Iceland Express deild kvenna en Jessika Bradley er komin til landsins og ætlar að klára tímabilið með Fjölni. Stefnt er að því að Jessika verði með Fjölni gegn Snæfell á eftir en það á eftir að koma í ljós hvort leikmaðurinn verði þá kominn með leikheimild.

 

Í gærkvöldi fóru fram þrír leikir í bikarkeppni drengjaflokks þar sem Skallagrímur, Keflavík og Njarðvík komust áfram í keppninni. Einn leikur er eftir í 8-liða úrslitum en það er viðureign KR og Fjölnis sem fram fer á laugardag.

Keflvíkingar eru komnir í Laugardalshöll eftir sigur á KFÍ í undanúrslitum Poweradebikarkeppninnar í karlaflokki. Ísfirðingar stríddu heimamönnum í Keflavík og Edin Suljic átti tvær magnaðar troðslur í leiknum.

 

Í kvöld fer fram heil umferð í Iceland Express deild kvenna en þetta er 21. umferð deildarinnar og í dag eru því 16 stig eftir í pottinum. Topplið Keflavíkur fær KR í heimsókn en liðin eru í fyrsta og fjórða sæti deildarinnar og tíu stigum munar á þeim.

Sex leikir fóru fram í NBA deildinni í nótt þar sem Oklahoma City Thunder lögðu Golden State Warriors á úitvelli í miklum stigaleik sem lauk með 116-119 sigri Oklahoma.

 

Heil umferð fór fram í sænsku úrvalsdeildinni í kvöld þar sem Solna Vikings og Sundsvall Dragons unnu góða sigra en 08 Stockholm og Jamtland máttu bæði sætta sig við ósigur á heimavelli.

 

Tindastólsmenn eru komnir í úrslit Poweradebikarkeppninnar og mæta þar Keflavík eins og frægt er orðið. Kapparnir á Feykir.is fylgjast náið með sínum mönnum og hafa nú birt tæplega 11 mínútna langt myndband frá undanúrslitaviðureigninni gegn KR.