Dominos deild karla:

Sigurður Gunnar Þorsteinsson í Breiðholtið

17.ágú.2018  17:15 davideldur@karfan.is

 

Miðherjinn knái Sigurður Gunnar Þorsteinsson hefur samið við ÍR um að leika með liðinu á komandi tímabili. Sigurður er upphaflega úr KFÍ, en hann hefur leikið með Keflavík og nú síðast Grindavík í efstu deild á Íslandi. Þá hefur hann einnig leikið sem atvinnumaður í Evrópu.

 

Sigurður lék 25 leiki með Grindavík á síðasta tímabili. Í þeim skilaði hann 13 stigum, 9 fráköstum og 3 stoðsendingum að meðaltali í leik. Að meðaltali skilaði hann rúmum 20 framlagsstigum og var því tíundi framlagshæsti leikmaður deildarinnar.

 

Frekari fregnir og viðtal frá undirskriftinni er væntanlegt með kvöldinu.