Hamarsmenn stefndu að því allt tímabilið að komast í úrslitakeppnina en svo fór að lokum að Hvergerðingar máttu sætta sig við 9.-10. sæti deildarinnar og rétt misstu af úrslitakeppninni í Iceland Express deild karla. Karfan.is ræddi við Svavar Pál Pálsson sem hefur látið að sér kveða síðasta áratuginn í Hveragerði og hann er ekkert á förum þaðan. 

 

Bakvörðurinn Magnús Þór Gunnarsson hefur verið fjarri góðu gamni í liði Njarðvíkur í síðustu tveimur leikjum liðsins sökum meiðsla. Óttast var að Magnús hefði slitið liðband en Magnús fór í speglun í dag þar sem annað kom á daginn.

 

Tveir leikir fara fram í undanúrslitum Iceland Express deildar kvenna í kvöld þegar KR tekur á móti Haukum og Hamar fær Keflavík í heimsókn í Hveragerði. Leikur Hamars og Keflavíkur hefst kl. 19:15 en viðureign KR og Hauka hefst kl. 20:00 í Vesturbænum. Þá hefst líka úrslitakeppnin í 1. deild karla þegar Haukar fá Þór Þorlákshöfn í heimsókn að Ásvöllum.

 

Karfan.is tók Chris Caird, hinn stórefnilega enska strák í liði FSu tali eftir leikinn gegn Njarðvík, sem jafnframt var síðasti leikur FSu í efstu deild í bili, og síðasti leikur hans hér á landi, a.m.k. í bili! Þetta er þriðja árið sem Chris er á Selfossi og æfir í körfuboltaakademíu Fjölbrautaskóla Suðurlands. Hann hefur tekið undraverðum framförum á þeim tíma og er nú þegar orðinn góður leikmaður á íslenskan mælikvarða, bæði stór og sterkur, fljótur í skrefinu og með gott skot.