Ægir Þór Steinarsson og Tómas Heiðar Tómasson fundu loks sigur um hlegina þegar Newberry háskólinn hafði sigur á Carson-Newman skólanum í SAC-riðli NCAA II deildarinnar. Lokatölur voru 71-82 Newberry í vil á heimavelli Carson-Newman.

Ægir Þór var í byrjunarliðinu gegn Carson-Newman en Tómas Heiðar var ekki í liðinu að þessu sinni. Ægir gerði 8 stig á 32 mínútum, tók 8 fráköst, gaf 3 stoðsendingar og tapaði 3 boltum. Með sigrinum er Newberry í 4. sæti SAC-riðilsins með 8 sigra og 8 tapleiki en Anderson skólinn trónir á toppnum með 15 sigra og 1 tapleik.

 

Næsti leikur Newberry í bandarísku háskóladeildinni er í kvöld á útivelli gegn Brevard skólanum sem er í næstneðsta sæti SAC-riðilsins.