Einn leikur fór fram í 1. deild karla í gærkvöldi þegar Þór Akureyri lagði land undir fót og heimsótti Hött á Egilsstöðum. Lokatölur reyndust 82-75 Hetti í vil sem með sigrinum tylltu sér í 4. sæti deildarinnar með 16 stig en Þór hefur 10 stig í 7. sæti.

 

 

Hart var barist fyrir austan í gær en heimamenn í Hetti höfðu frumkvæðið þar sem Andrés Kristleifsson átti stórleik. Andrés lék veikur í gær en það aftraði honum ekki frá því að skora 26 stig á Þórsara og taka 7 fráköst. Hjá gestunum í Þór var Eric James Palm með 31 stig.

 

Mynd/ Gunnar Gunnarsson - Frá viðureign Hattar og Þórs í gærkvöldi.