Fjórir leikir fóru fram í Iceland Express deild karla í kvöld þar sem Fjölnir, Þór Þorlákshöfn, Snæfell og Grindavík unnu örugga sigra. Grindavík trónir því á toppi deildarinnar með 28 stig. 

 

 

Blago Janev var stigahæstur hjá Þór með 23 stig og 9 fráköst, Darrin Govens bætti við 22 stigum, 7 fráköstum og 6 stoðsendingum. Hjá Njarðvík var Travis Holmes með 16 stig og Cameron Echols 13 en Páll Kristinsson var þó þeirra besti maður í kvöld að öðrum ólöstuðum með 9 stig og 6 fráköst.

 

Alexander Dungal gerði 18 stig og tók 6 fráköst í liði Vals og Hlynur Logi Víkingsson bætti við 17 stigum og 15 fráköstum. Hjá Fjölni var Arnþór Guðmundsson með 27 stig og 6 fráköst og Calvin O´Neal bætti við 21 stigi.

 

Giordan Watson fór hamförum í liði Grindavíkur með 40 stig og 7 stoðsendingar. Þá bætti J´Nathan Bullock við 22 stigum og 7 fráköstum. Hjá Tindastól var Curtis Allen með 23 stig og Maurice miller gerði 17 stig og gaf 8 stoðsendingar, þá var Helgi Rafn Viggósson með myndarlega tvennu, 16 stig og 10 fráköst.

 

Quincy Hankins-Cole hnoðaði í tvennu, 19 stig og 16 fráköst í liði Snæfells og þeir Marquis Hall og Jón Ólafur Jónsson bættu báðir við 18 stigum. Hjá ÍR var Hjalti Friðriksson með 18 stig og 6 fráköst og Robert Jarvis gerði 13 stig.

 

Nánar síðar…

 

Mynd/ tomasz@karfan.is - Matthew Hairston átti nokkrar svakalegar troðslur í Icelandic Glacial Höllinni í kvöld.