Tíu leikir fóru fram í NBA deildinni í nótt þar sem Philadelphia hafði betur gegn LA Lakers, LA Clippers gerðu góða ferð til Orlando og Jeremy Lin fór á kostum í liði New York sem skellti Utah Jazz.

 

Louis Williams kom grimmur af bekknum hjá 76ers með 24 stig og 4 stoðsendingar en hjá Lakers var Kobe Bryant með 28 stig, 6 stoðsendingar og 5 fráköst og Andrew Bynum bætti við 20 stigum og 20 fráköstum.

 

 

Chris Paul leiddi Clippers með 29 stig, 8 stoðsendingar og 7 fráköst. Hjá Orlando var Dwight Howard sem fyrr atkvæðamestur með 33 stig og 14 fráköst.

 

Útskriftarneminn frá Harvard, Jeremy Lin, stal senuninni í liði New York í nótt með 28 stig og 8 stoðsendingar. Þetta var í fyrsta sinn sem Lin er í byrjunarliði Knicks. Al Jefferson var svo stigahæstur í liði Utah með 22 stig og 4 fráköst. Carmelo Anthony lék í rétt rúmar fimm mínútur í leiknum en hann meiddist og varð að haltra af velli.

 

 

Washington 111-108 Toronto

Atlanta 90-99 Phoenix

New Orleans 92-100 Sacramento

Portland 107-111 Oklahoma