Hörður Axel Vilhjálmsson gerði 22 stig, stal 5 boltum, gaf 4 stoðsendingar og tók eitt frákast þegar Mitteldeutcher BC vann 81-73 heimasigur á Science City Jena í þýsku Pro A deildinni um helgina. Hörður hefur verið í miklum ham upp á síðkastið og MBC nýtur góðs af því á toppi deildarinnar.

Hörður er með 11,2 stig að meðaltali í leik, 3,8 stoðsendingar og 2,1 frákast og leikur að jafnaði 23,55 mínútur með MBC. Tölurnar hafa verið að taka kipp upp á við hjá kappanum sem fyrir nokkru síðan hefur unnið sér inn fast sæti í byrjunarliði MBC.

 

Hörður er í 39. sæti deildarinnar yfir stigahæstu leikmenn og í 12. sæti yfir stoðsendingahæstu leikmenn. Sem stendur er MBC á toppi Pro A deildarinnar með 30 stig en fast á hæla þeirra koma Kirchheim Knights með 28 stig.

 

 

 

nonni@karfan.is