Tomasz Kolodziejski var mættur á viðureign Stál-úlfs og Fram í gær. Fram hafði öruggan 73-90 sigur í leiknum og er í 4. sæti B-riðils í 2. deild karla. Stál-úlfur vermir botnsætið með 2 stig.

 

Stál-úlfur opnaði leikinn af krafti en áður en fyrsti leikhluti var úti höfðu Framarar náð að jafna og taka við stjórnartaumunum í leiknum. Margar auðveldar körfur litu dagsins ljós hjá Fram sem keyrðu vel í bakið á Stál-úlfi. Á lokasprettinum gerði Stál-úlfur heiðarlega tilraun til að nálgast Fram að nýju en það vildu bláir og hvítir ekki sjá og kláruðu leikinn 73-90.