Nú þegar nær dregur Óskarnum vestan hafs er ekki úr vegi að við körfuboltamenn og unnendur efnum til okkar eigin keppni.  Karfan TV fer nú að stað með keppni um Körfuboltamyndband ársins. Vegleg verðlaun eru í boði en það eru æfingatreyjur og stuttbuxur frá Jóni Arnóri Stefánssyni frá Granada.

Þið hafið algerlega frjálsar hendur hvað varðar videóið fyrir utan nokkrar nokkuð einfaldar reglur.

 

- Vídeóið þarf að vera ferskt (ekki gamalt efni klippt niður) 

- "Fællinn" verður að skilast inn í MPEG-4 eða FLV formi

-"Fællinn" má ekki vera stærri en 100 mb

- Videóið á ekki að vera lengra en 1 mínúta. 

- Má vera auglýsing, stuttmynd, leikið efni, troðslur eða hvað sem er. 

-SKILAFRESTUR ER 1. MARS 2012

 

Dæmt verður eftir frumleika og ekki skemmir að hafa góðan "húmor" í myndbandinu.  Dómarar í keppninni eru starfsmenn Karfan.is og svo annarsvegar fagmaður í sjónvarpsbransanum. 

 

1. Verðlaun eru sem fyrr segir (sjá mynd) Æfingatreyjur og stuttbuxur frá Jón Arnór Stefánssyni.  Við erum að tala um sett sem kappinn æfði sjálfur í (en þó ný þvegið allt)

2.-3. verðlaun:  Kippa af Gatorade

 

Nú er það að leggja hausinn í bleyti og koma með eitthvað alveg ótrúlega skemmtilegt efni og senda á okkur á emailið leikur@karfan.is

 

Góða skemmtun.