Jón Arnór Stefánsson og Haukur Helgi Pálsson voru í eldlínunni í dag í ACB deildinni á Spáni. Jón og félagar í Zaragoza unnu góðan útisigur en Joventut reyndist of stór biti fyrir Hauk og félaga í Manresa í þetta skipti.

Haukur Helgi Pálsson lék í rúmar sjö mínútur með Manresa og skoraði þrjú stig og þá var Haukur einnig með eitt frákast í leiknum. Justin Doelleman var stigahæstur hjá Manresa með 32 stig.

 

Jón Arnór Stefánsson var í byrjunarliði Zaragoza og skoraði 6 stig á rúmri 21 mínútu í leiknum. Jón var einnig með 4 fráköst og eina stoðsendingu í leiknum en stigahæstur hjá Zaragoza var Bracey Wright með 16 stig.

 

 

   

Mynd/Úr safni: Haukur Helgi á ferðinni með yngri landsliðum Íslands.