Tveir leikir fóru fram í NBA deildinni í nótt þar sem Boston lagði Orlando á útivelli og LA Clippers komust á beinu brautina á nýjan leik með sigri gegn Memphis Grizzlies í Staples Center.

Paul Pierce fór fyrir Boston í leiknum með 24 stig, 10 stoðsendingar og 6 fráköst og þá bætti Kevin Garnett við 12 stigum og 10 fráköstum. Dwight Howard fór fyrir Orlando með 16 stig og 16 fráköst.

 

Blake Griffin var að daðra við þrennuna en hann gerði 20 stig í liði Clippers og bætti við 9 fráköstum og 8 stoðsendingum. Þá var Chris Paul heldur ekki fjarri þrennunni með 18 stig, 7 fráköst og 7 stoðsendingar. Hjá Memphis var Rudy Gay með 24 stig og 7 fráköst.