Þrettán leikir fóru fram í NBA deildinni í nótt en þar var m.a. barist um montréttinn í Los Angeles þegar Lakers og Clippers mættust í Staples Center. Stóri bróðir, LA Lakers, hafði betur í rimmunni 96-91.

Kobe Bryant var stigahæstur í liði Lakers með 24 stig, 7 fráköst og 6 stoðsendingar og Spánverjinn Pau Gasol bætti við 23 stigum og 10 fráköstum. Hjá Clippers var Blake Griffin atkvæðamestur með 26 stig og 9 fráköst og þá bætti Caron Butler við 16 stigum.

 

Eins og flestum er kunnugt deila þessi tvö lið heimavelli og í nótt voru það Lakers sem léku sem heimalið en Clippers hafa ekki unnið Lakers þegar þeir hafa leikið heima síðan í apríl 2007.

 

 

 

Philadelphia 90-97 New Jersey

Cleveland 91-81 New York

Chicago 90-95 Indiana

Oklahoma 101-91 New Orleans

San Antonio 105-83 Atlanta

Sacramento 93-122 Denver

 

nonni@karfan.is