NÝJUSTU ÚRSLIT...

http://myndir.karfan.is/ |
Þór sendir ekki kvennalið til keppni í vetur
16 08 2011 | 14:04

Þór sendir ekki kvennalið til keppni í vetur

Í fréttatilkynningu sem körfuknattleiksdeild Þórs hefur sent út kemur fram að deildin muni ekki senda meistaraflokk kvenna til keppni í vetur. Meistaraflokkur kvenna mun halda áfram æfingum undir stjórn nýráðins þjálfara Nebosja Vidic. Þá skal á bent að í vetur verður lið í stúlknaflokki skráð til keppni sem ekki hefur verið í nokkurn tíma.
Fréttatilkynning körfuknattleiksdeildar Þórs
 
Körfuknattleiksdeild Þórs á Akureyri hefur tekið þá ákvörðun að senda ekki lið til keppni í 1. deild kvenna á komandi keppnistímabili. Málið hefur verið til athugunar í allt sumar og eftir miklar umræður varð það niðurstaðan að tefla ekki fram liði í vetur. Helstu ástæður þessarar ákvörðunar eru þær að liðið hefur misst fjölda leikmanna á meistaraflokksaldri undanfarin 2 ár og hefði æfinga- og keppnishópur liðsins að mestu samanstaðið af mjög ungum stelpum sem enn eiga eftir einhver ár í yngri flokkum.
 
Undanfarin tvö ár hefur orðið aukning í fjölda stúlkna hjá yngri flokkum félagsins og er það von körfuknattleiksdeildar að innan tíðar verði hægt að byggja meistaraflokkslið á sterkum kjarna uppalinna leikmanna.
 
Meistaraflokkur kvenna mun halda áfram æfingum undir stjórn nýráðins þjálfara Nebosja Vidic. Ákvörðunin verður endurskoðuð að ári og stefnt að því að tefla fram meistaraflokki kvenna á nýjan leik ekki seinna en haustið 2013.
 
Stjórn Körfuknattleiksdeildar Þórs
 
 

Keyrir á vefumsjónarkerfi Smartmedia