Nú er ljóst hvaða lið skipa undanúrslitin á Heimsmeistaramótinu í Tyrklandi en í dag komust Bandaríkin og Litháen áfram. Bandaríkjamenn lögðu Rússa með 10 stiga mun og Litháar höfðu betur gegn Argentínumönnum. 

Kevin Durant var stigahæstur í liði Bandaríkjanna með 33 stig en í liði Rússa var Sergei Bykov atkvæðamestur með 17 stig.

 

Litháar réðu lögum og lofum fyrstu þrjá leikhlutana en Argentínumenn bitu frá sér á lokasprettinum og unnu fjórða leikhluta 19-32 en það var of seint í rassinn gripið. Carlos Delfino var stigahæstur hjá Argentínumönnum með 25 stig en hjá Litháum var Simas Jasaitis með 19 stig.

 

Serbía-Tyrkland

Bandaríkin-Litháen

 

Á morgun er leikið um 5.-8. sæti.

Spánn mætir Slóvenum og Rússar mæta Argentínumönnum.

 

Ljósmynd/ www.fiba.com – Bandaríkjamenn eru sterkir og hafa ekki stigið feilspor í Tyrklandi.