Fyrsta dómaranámskeið vetrarins verður haldið föstudaginn 3. september og laugardaginn 4. september. Bæði er um bóklega og verklega kennslu að ræða. Bóklega kennslan verður kennd í íþróttamiðstöðinni í Laugardal.

Á föstudeginum og á laugardagsmorgninum verður bókleg kennsla en bóklega og verklega prófið verður eftir hádegi á laugardegi. Námskeiðið verður á höfuðborgarsvæðinu.

 

18.00-22.00 bóklegt

 

9.00-13.00 bóklegt og bóklegt próf

14.30-16.00 verklegt próf

 

Vakin er athygli á því að dómaramenntun er hluti af fræðsluáætlun KKÍ sem er komin til framkvæmda. Dómaranámskeið er hluti af fyrsta þrepi fræðslustigans.

 

Konur eru hvattar til að mæta enda vantar fleiri kvendómara í hreyfinguna.

 

Síðasti skráningardagur er 2. september. Námskeiðið stendur öllum til boða og að kostnaðarlausu.

 

Skráning er á kki@kki.is og þarf að taka fram nafn, heimilisfang, kennitölu, síma, e-mail og félag.

 

Frétt af www.kki.is  

Ljósmynd/ JBÓ: Það er margt athyglisvert í körfuboltanum sem dómarar þurfa að kljást við, hér er meðal annars verið að nota upptökutæknina til þess að skera úr um lögmæti körfu sem skoruð var er leiktíminn rann út.