Jóhann Þór Ólafsson, þjálfari kvennaliðs Grindavíkur í Iceland Express deildinni, segist vera að íhuga það í samráði við forráðamenn félagsins að draga liðið úr keppni í vetur. Þetta kemur fram á www.visir.is í dag.

 

„Þetta fór strax af stað í vor að það yrði ekkert lið og þessi og hin ætluðu að hætta. Þetta er búið að vera erfitt sumar og við höfum upp á síðkastið fengið hverja fréttina á fætur annarri um leikmenn sem eru á förum frá okkur," segir Jóhann en hann segir að það sé búið að gera mikið fyrir þessa kynslóð í Grindavíkurliðinu sem er nú að yfirgefa félagið þegar á reynir.