NBA-deildin hefur tilkynnt að tveir deildarleikir milli New Jersey og Toronto verða í London í mars. Er þetta í fyrsta sinn að deildarleikir í NBA verða í Evrópu en fyrsti leikurinn var í Japan árið 1990 milli Phoenix og Utah.

Það er enginn tilviljun að London sé leikstaður en NBA-deildin er að nýta sér þá athygli sem körfubolti mun fá á Ólympíuleikunum en þeir verða einmitt í London árið 2012.

 

Mikil aukning hefur orðið á iðkun körfubolta í Bretlandi en hún hefur fjórfaldast á undanförnum árum. Nokkrir æfingaleikir milli NBA liða sem og evrópskra liða hafa verið í London á síðustu árum.

 

Alls hafa 13 NBA-deildarleikir farið fram utan Norður-Ameríku frá árinu 1990 en þeir hafa flestir verið í Japan.

 

emil@karfan.is