Björn Steinar Brynjólfsson leikmaður Grindavíkur í Iceland Express deild karla er ekki aðeins sleipur á parketinu, hann kann ekki síður vel við sig á grasinu en í gær lék hann á fyrsta hring í meistaramóti Golfklúbbs Grindavíkur. Kappinn fór holu í höggi á 13. holu vallarins þar sem hann notaði sandjárn við verknaðinn.

Golfmiðlarnir Kylfingur.is og Igolf.is greina báðir frá þessu í dag.

 

Með Birni í holli var Páll Axel Vilbergsson fyrirliði Grindvíkinga og þrátt fyrir að vera ein öflugasta þriggja stiga skytta landsins fór engum sögum af hans frammistöðu þennan fyrsta mótsdag á meistaramóti GG.

 

Ljósmynd/ GG: Björn Steinar massasáttur enda nýbúinn að ná draumahögginu.