Eftir þrjá auðvelda sigra í upphafi rimmunnar misstu Celtics tvo leiki þar sem Magic vöknuðu af Þyrnirósarsvefni, en það var of seint í rassinn gripið og Boston vann öruggan sigur í nótt.

 

Þeir grænu byrjuðu mun betur og náðu öruggu forskoti strax í öðrum leikhluta þar sem varamaðurinn Nate Robinson kom sterkur inn og skoraði 13 stig. Munurinn komst mest upp í 21 stig, en Magic minnkuðu muninn niður í 13 stig í hálfleik.

 

Celtics byrjuðu aftur mun betur í seinni hálfleik þar sem þeig gerðu 11 stig gegn 2 og leikurinn var í raun búinn. Boston var alltaf að minnsta kosti 14 stigum yfir allt þar til á lokamínútunni þegar varamenn þeirra voru dansandi sigurdans á hliðarlínunni.

 

Þetta er í 21. sinn sem Boston vinnur Austurdeildartitilinn og þeir freista þess að vinna sinn 18. titil, en gætu þurft að berjast enn einu sinni við erkifjendur sína LA Lakers, sem leiða úrslitaeinvígið í Vesturdeildinni.

 

Paul Pierce var stigahæstur Celtics í leiknum með 31 stig og 13 fráköst og Ray Allen var með 20.

 

Hjá Magic var það bara Dwight Howard sem stóð fyrir sínu og skoraði 28 stig og tók 12 fráköst