Boston Celtics hristu af sér slen síðustu leikja með sannfærandi sigri á Detroit Pistons í nótt, 119-93. Celtics voru hér um bil búnir að klára leikinn í hálfleik og fengu því margir að spreyta sig, allir komust á blað og tíu leikmenn skoruðu átta stig eða meira í leiknum.

 

Á meðan lögðu meistarar LA Lakers Golden State Warriors að velli, 121-124, og Houston Rockets lögðu Denver Nuggets í miklum spennuleik, 125-123, þrátt fyrir stórleik Carmelo Anthony sem skoraði 45 stig, en klikkaði á 3ja stiga skoti um leið og lokaflautið gall.