Jóhannes Albert Kristbjörnsson hefur undanfarið ritað pistla á heimasíðu Njarðvíkur en þar gerði hann garðinn frægan sem leikmaður áður en hann tók upp pennann. Í nýjasta pistli Jóhannesar berst talið að Jóni Ólafi Jónssyni, eða Nonna Mæju, sem grýtti 25 stigum yfir Njarðvíkinga í gær.

Í pistlinum tíundar Jóhannes vandræði Njarðvíkinga og ósigurinn gegn Hólmurum í gærkvöldi og hvetur Sigurð Ingimundarson þjálfara til þess að afhenda leikmönnum sínum brosmynd af Nonna Mæju til að hafa á náttborði sínu.