Úrslitakeppnin í Iceland Express deild kvenna hófst í gærkvöldi þar sem Keflavík náði 1-0 forystu í einvígi sínu gegn Snæfell. Í dag mætast svo Grindavík og Subwaybikarmeistarar Hauka í Röstinni í Grindavík í sínum fyrsta slag í úrslitakeppninni. Leikurinn hefst kl. 15:00 í Grindavík. Það lið sem fyrr vinnur tvo leiki kemst áfram í undanúrslit.

Þá er einn leikur í 1. deild kvenna þegar Stjarnan tekur á móti Þór Akureyri í Ásgarði í Garðabæ kl. 14:00.