Fjórir leikir voru á dagskrá í Iceland Express-deild karla í kvöld. KR-ingar unnu góðan sigur á liði Breiðabliks í DHL-höllinni 96-72 þar sem Brynjar Þór Björnsson skoraði 25 stig fyrir heimamenn og Jonathan Schmidt setti 23 stig fyrir Breiðablik.

Hamar vann í Hveragerði þegar nýliðar Fjölnis mættu í heimsókn. Hvergerðingar höfðu sigur 87-81 Marvin Valdimarsson var með tvennu fyrir Hamar 25 stig og 10 fráköst. Hjá Fjölni skoruðu þeir Ægir Þór Steinarsson og Christopher Smith 22 stig.

 

Grindavík vann mikilvægan sigur á Keflavík í toppbaráttunni 76-72 en leikið var í Röstinni. Darrell Flake var með 29 stig fyrir Grindavík en Ómar Sævarsson sem var næst stigahæstur setti 12 stig en hann skoraði sigurkörfuna þegar hann kom Grindavík fjórum stigum yfir þegar naumt var til leiksloka. Gunnar Einarsson var með 20 stig fyrir Keflavík.

 

Tindastóll vann Snæfell 99-91 fyrir norðan en Karfan.is er ekki enn búinn að fá stigahæstu leikmennina.

 

Mynd: Úr leik KR og Breiðabliks í kvöld/emil@karfan.is