KR hefur fengið íslenska landsliðsmanninn Pavel Ermolinski lánaðan út keppnistímabilið frá spænska liðinu Caceres. Gríðarlegur liðsstyrkur er í Pavel og verður hann klár í næsta leik gegn Grindavík 4 febrúar. www.kr.is/karfa greinir frá.

Heimasíða KR birti stutt spjall við Böðvar Guðjónsson formann KKD KR:
 "Pavel er að koma á lánssamningi frá Careas og verður út tímabilið. Þetta styrkir KR augljóslega og hjálpar KR að vera meðal þeirra bestu. Hann er stekur leikmaður með mikinn leikskilning og mun hjálpa okkur á báðum endum vallarins." Aðspurður um áhrif á liðið sagðist Böðvar vera viss um að leikmenn tækju honum opnum örmum enda þekkti hann vel flesta af sínum nýju liðsfélögum. "Það ríkir góð stemmning eins og sást í gær og nú ríður á að menn séu á sömu blaðsíðunni enda mjög erfiðir leikir framundan. Deildin er sú jafnasta í mörg ár og hver einast leikur er úrslitaleikur. Þannig að það er eins gott að spenna beltin og halda sér fast".
 

Ljósmynd/ nonni@karfan.is – Pavel í leik með íslenska landsliðinu gegn Austurríki síðasta sumar.