Í dag var dregið í 16 liða úrslit Subwaybikarkeppninnar og er óhætt að segja að viðureign KR og Hamars í kvennaflokki og leikur Snæfells og Hamars í karlaflokki séu stærstu leikir 16 liða úrslitanna. Karfan.is grennslaðist fyrir í veglegu tölfræðisafni KKÍ og þar kom í ljós að bikartitlarnir dreifast betur í karlaflokki.

Bikarkeppnin í karlaflokki er reyndar nokkuð eldri en sú í kvennaflokki en karlarnir hófu að slást um bikarinn leiktíðina 1964-1965. Það árið hrósuðu Ármenningar sigri og urðu fyrstu bikarmeistararnir á Íslandi. Keppni í bikarnum hófst í kvennaflokki leiktíðina 1974-1975. Það árið unnu Þórsarar frá Akureyri en það er eini bikartitill félagsins í körfubolta.

 

Keflavík í kvennaflokki hefur unnið flesta bikartitla eða 11 talsins af þeim liðum sem nú skipa 16 liða úrslitin. Í karlaflokki eru það Njarðvíkingar sem oftast hafa orðið bikarmeistarar af þeim liðum sem skipa 16 liða úrslitin eða alls 8 sinnum. KR-ingar hafa þó unnið bikarinn oftast eða 11 sinnum og síðast leiktíðina 1990-1991 en þeir féllu út þessa leiktíðina í 32 liða úrslitum.

 

 

Keflavík: 11

KR: 10

Haukar: 4

Þór Akureyri: 1

Grindavík: 1

Hamar: 0

Grindavík b: 0

Njarðvík: 0

Valur: 0

Laugdælir: 0

Stjarnan: 0

Keflavík b: 0

Skallagrímur: 0

Fjölnir: 0

Snæfell: 0

 

 

 

Njarðvík: 8

Keflavík: 5

Grindavík: 4

Ármann: 3

Valur: 3

ÍR: 2

Snæfell: 1

Breiðablik: 0

KFÍ: 0

Hrunamenn: 0

ÍBV: 0

Laugdælir: 0

Tindastóll: 0

Skallagrímur: 0

Fjölnir: 0

Hamar: 0

 

Eins og sést á þessari upptalningu hafa fimm lið sem nú eru í 16 liða úrslitum í kvennaflokki áður orðið bikarmeistarar en sjö lið í karlaflokki.

 

nonni@karfan.is