Þá er það ljóst að Spánn og Frakkland munu leika til úrslita um Evrópumeistaratitilinn í körfuknattleik 2011. Frakkar voru rétt í þessu að leggja Rússa að velli 79-71 í seinni undanúrslitaviðureign dagsins.

 

Fyrri undanúrslitaleik dagsins er lokið á EM í Litháen þar sem Spánverjar tryggðu sér sæti í úrslitaleiknum með 92-80 sigri gegn Makedóníu. Þar með er Öskubuskuævintýri Makedóníu á enda en liðið hefur aldrei fyrr náð jafn góðum árangri á Evrópumótinu og vakti liðið verðskuldaða athygli.

 

Jovan Zdravevski leikmaður Stjörnunnar fékk nýverið íslenskt ríkisfang en hann er frá Makedóníu og fyrir um það bil tveimur árum fór hann á nokkrar æfingar með landsliðinu. Nú er svo búið að kl. 14.30 í dag mun Makedónía leika gegn Spánverjum í undanúrslitum Evrópukeppninnar og Jovan fer ekkert í grafgötur með sína spá, hann tippar á að Makedónar fari áfram!

 

Í dag voru það Rússar og Frakkar sem hrifsuðu til sín tvö síðustu sætin í undanúrslitum Evrópumeistaramóts karla sem stendur nú yfir í Litháen. Frakkar lögðu Grikki og Rússar höfðu betur gegn Serbum.

 

Tveir leikir fara fram á Evrópumeistaramótinu í Litháen í dag. Í gær komust Spánverjar og Makedónar áfram í undanúrslitin og eftir daginn í dag skýrist það hvernig undanúrslitin verða skipuð. Herlegheitin hefjast kl. 15.00 að íslenskum tíma þegar Fakkar og Grikkir eigast við.