,,Þetta hefur staðið yfir í nokkuð mörg ár og símtölin eru komin vel yfir hundraðið,“ sagði Sverrir Þór Sverrisson landsliðsþjálfari og þjálfari kvennaliðs UMFN sem einn manna ber það nafn í Símaskránni. Annar er þó þekktari og vinsæll á meðal yngri kynslóða en sá er frægur skemmtikraftur og gengur undir nafninu Sveppi. Sverrir Þór Sverrisson er nafn sem þeir kumpánar deila en skemmtikrafturinn hefur ekki látið færa sig í Símaskránna. Af þeim orsökum hefur þjálfarinn þurft að hafna hundruðum verkefna á borð við veislustjórnun og annað skemmtanahald enda gerir hann ekki út á slíkt.

Hið árlega Póstmót Breiðabliks fór fram um síðustu helgi í Kópavogi en þar leiða yngstu iðkendur körfuboltans saman hesta sína. Að sögn mótshaldara tókst mótið vel til. Þá var undirritaður nýr þriggja ára samningur við Póstinn og því ljóst að mótið heldur nafninu næstu ár.

 

 

Leikdagar fyrir undanúrslit karla í Poweradebikarkeppninni eru klárir en mótanefnd KKÍ hefur ákveðið að undanúrslitaleikur Snæfells og Stjörnunnar í Powerade-bikar kvenna verði ekki settur á að sinni.

 Körfuknattleiksdeild Keflavíkur hefur lagt fram kæru á framkvæmd leiks kvennaliðs þeirra gegn Njarðvík í bikarkeppninni á dögunum.  Leikurinn endaði með sigri Njarðvíkur 78:72 eftir framlengingu en ástæða kærunnar mun vera vegna lokasekúndna í leiknum sem var nokkuð skrautlegur.